Напярэдадні свята   "Дня Перамогі"  для выхаванцаў  дзіцячага сада была арганізавана экскурсія да помніка загінуўшым воінам. Дзеці па даўняй традыцыі ўшанавалі памяць герояў хвілінай маўчання і ўсклалі кветкі да помніка. Дадзенае мерапрыемства накіравана на фарміраванне патрыятычнага выхавання ў дзяцей, пачуцця ўдзячнасці і гонару за вялікі подзвіг нашага народа.

 Выхаванцы ДУА»Грыцэвіцкі дзіцячы сад Клецкага раёна" наведалі краязнаўчы музей Грыцэвіцкай школы.
Мэта дадзенай экскурсіі:фарміраванне ў выхаванцаў грамадзянска-патрыятычных якасцяў, пашырэнне кругагляду і выхаванне пазнавальных інтарэсаў.
Для дзяцей была праведзена цікавая і пазнавальная экскурсія па зале музея з рознымі экспазіцыямі, якія дапамагалі зразумець і ўбачыць побыт нашых продкаў, даведацца цікавыя гісторыі аб асобных экспанатах музея.
Дзеці з задавальненнем слухалі, расказ настаўніка пачатковых класаў Гвозд В. Л. з цікаўнасцю разглядалі экспанаты. Асабліва дзецям спадабаўся куток "ніхто не забыты, нішто не забыта", прысвечаны Вялікай Айчыннай вайне. Тут былі прадстаўлены фотапартрэты ветэранаў вайны. У вітрынах-узнагароды, падзячныя лісты, франтавая перапіска, асабістыя рэчы ўдзельнікаў вайны, макеты зброі.
У кутку «сельскі куток» дзеці пазнаёміліся з умовамі жыцця нашых продкаў, з прадметамі, якія выкарыстоўвалісяі  ў паўсядзённым жыцці.