Улетку гульня займае вялікае месца ў жыцці дзяцей. Блізкасць да прыроды, сонца, цяпло, знаходжанне на паветры- усё гэта стварае станоўчы эмацыйны настрой і ўзмацняе цягу да гульні. Новыя яркія ўражанні ўзбагачаюць змест дзіцячых гульняў. Багацце разнастайнага прыроднага матэрыялу-пяску, вады, галінак, жалудоў, каменьчыкаў і т.д. - спрыяе развіццю творчай задумы ў гульні, ажыццяўленню задуманага сюжэту. Тэматыка гульняў летам значна багацей і разнастайней. Асабліва важна летам выкарыстоўваць гульню для стварэння ў дзяцей добрага настрою, пачуцця задаволенасці, бадзёрасці, бо ў гэтым заклад здароўя, добрага адпачынку і паўнавартаснага развіцця дзіцяці.