Найбольш любімая гульня ў летні перыяд - будаўніцтва з пяску. Галоўная ўмова паспяховай дзейнасці ў дадзеным выпадку - гэта падрыхтоўка пяску да працы. Ён павінен быць чыстым і вільготным. Выхаванцы малодшай групы яшчэ не ўмеюць ствараць буйныя пабудовы, іх збудаванні недасканалыя і простыя. Старэйшыя дзеці майструюць буйныя калектыўныя пабудовы, складаныя па канструкцыі, разгортваюць цікавыя сюжэтныя гульні. Для падтрымання цікавасці да дадзеных відаў гульняў, узбагачэнні сюжэту варта выкарыстоўваць дадатковы матэрыял, буйны будаўнічы матэрыял, цацкі, розныя ёмістасці, дошчачкі і інш. Не меншую цікавасць таксама выклічуць у дзяцей гульні з вадой, для гэтага трэба зусім няшмат - дзіцячы  басейн або таз з вадой, цацкі і атрыбуты.