У дзіцячым садзе надаецца шмат увагі арганізацыі індывідуальнай і сумеснай працы дзяцей, так як яна мае вялікае значэнне для замацавання важных якасцяў асобы дзіцяці, атрымання навыкаў, неабходных для ўдзелу ў калектыўных узаемаадносінах.

У працэсе працоўнай дзейнасці выхаванца дзіцячы калектыў аб'ядноўваецца: малыя вучацца працаваць разам, аказваць таварышу дапамогу, знаходзіць сумесныя рашэнні для дасягнення патрабаванага выніку.

   Праца дзяцей у прыродзе мае вялікае значэнне для фізічнага, разумовага і сэнсарнага развіцця дзяцей. Працуючы на ўчастку (у агародзе, кветніку), дзеці авалодваюць найпростымі практычнымі навыкамі абыходжання з сельскагаспадарчым інвентаром, засвойваюць прыёмы догляду за раслінамі, атрымліваюць шмат звестак пра рост і развіццё раслін. Праца ў прыродзе спрыяе развіццю назіральнасці, дапытлівасці дзяцей, выхоўвае ў іх цікавасць да працы і павагу да людзей, якія ёй займаюцца.